Gorbeialdeko kuadrilla

Iruzurraren aurkako plan honen xedea da iruzurraren eta ustelkeriaren aurka eta interes gatazkak ekiditeko bete eta gorde behar diren printzipioak eta arauak zehaztea planaren aplikazio-eremu objektiboaren barruan, hau da, Suspertze eta Erresilientziarako Mekanismotik (SEM-etik) datozen funtsen eremuan, hertsiki (Next Generation Funts Europarrak), baina aurreikusita, etorkizunean, Europatik gerora letozkeen funtsen kudeaketa edota betearazpena behar bezala egiteko ere balioko duela Iruzurraren aurkako plan honek.

Suspertze eta Erresilientzia Mekanismoaren salaketa-postontzia

Suspertze eta Erresilientzia Mekanismoarekin (SEM) finantzatutako jarduerekin lotuta egin daitezkeen salaketei erantzuteko, eta, gainera, iruzurraren aurkako, interes-gatazkako, finantzaketa bikoitzeko eta estatu-laguntzetako eta ingurumenari kalte adierazgarririk ez egitearen arloko eskakizunak betetzeari buruzko neurrien planean xedatutakoa betetzeko, postontzi elektroniko bat prestatu da (buzon-mrr@euskadi.eus) eragile eta herritarrei irekia dagoena.
Postontzi elektroniko horretan jasotako komunikazioak berariazko protokolo baten bidez tratatuko dira, salatzaileen nortasuna babesteko. Egindako salaketak kualifikazio berezia duten eta eginkizun horretara bideratuko diren langileek ikertuko dituzte.
Iruzur posibleren bat detektatuz gero, edo horren susmo oinarriduna dagoenean, erakunde betearazleek konpromisoa hartzen dute ahalik eta eperik laburrenean jakinaraziko dietela antzemandako iruzurra edo iruzurraren susmo oinarriduna bai erakunde interesdunei bai inplikatutako erakundeei. Erakunde interesdunak dira Iruzurraren Aurkako Koordinazio Zerbitzu Nazionala (SNCA), Iruzurraren Aurkako Borrokarako Europako Bulegoa (OLAF), fiskaltza eta auzitegi eskudunak. Inplikatutako erakundeak, berriz, erakunde betearazlea eta kudeaketa-organoak izango dira.
Nolanahi ere, prozedura horietan kontuan izango dira aplikatzekoak diren Europako, Estatuko edo Autonomia Erkidegoko araudiek eragin horietarako ezartzen dituzten baldintzak eta betebeharrak.
Sartzeko linka: Iruzurraren aurkako plana - Ekonomia - Eusko Jaurlaritza - Euskadi.eus