Bere ezaugarri bereziak kontuan izanda, inguru horren estilo propioa finkatu da Koartangon hasi eta Zigoitiaraino . Eraikin erromanikoak edota ezaugarri erromanikoak dituzten eraikinak udalerri osotik daude sakabanatuta, aipagarrienak Zestafe, Ondategi eta Gopegi direlarik.
Zestafe izeneko herrian dira eskualde osoan diren ondare erromaniko ederrenetako bi: San Nikolas parrokia XIII. mendekoa da eta ikonografia anitzeko dekorazio erromaniko oparoa eskaintzen digu teilatu-hegalen habeburuetan eta atarian eta bao edota kofaduretan. Taila mariana oso interesgarri bat ere bertan da. Berau "Andra Mari" tankerakoa eta XIII. mendekoa da.
Gorostizako San Pedro baseliza, oraintsu konponduta dagoena, eskualde osoko eraikin erlijioso zaharrena dugu. Hilobi aurreerromaniko batzuk ere baditu, eta garai bereko ereliebe batzuk ere bai bere harresietan inkrustatuta.
Arte erlijiosozko eszenatoki honetan, interesgarriak dira oso edertasun handiko geroagoko bi eliza: Manurgako San Martin parrokia da bata; estilo neoklasikokoa dugu berau (XVIII. mendea) eta eraikin polita da. Bertan aipagarrienak erretaula batzuk dira garai hartako irudi eta tailekin osatuta daudenak.
Eta bigarrena, Olanon dagoen San Bartolome parrokia dugu. Eraikin erromaniko honek garai hartako ezaugarriak ditu, baina interes berezia bere erretaula nagusiak damotso. Berau XVI. mendekoa dugu (gotikoa) eta pintura-taulez, ereliebeez eta balore handiko tailez dago osatua.
Ondategiko San Lorenzo parrokia ere ondare benetan zoragarria dugu, bertan alderdi erromaniko bat (eliza eta aurrealdea), XVII. mendekoak diren gurutzadura eta aldareburua konbinatzen dira erretaula nagusi barroko eder batekin eta XIV. mendeko "Andra Mari" bat bere baitan hartzen duen Gure Amaren erretaula batekin.
Lan-deialdia: herritarren parte-hartzerako teknikaria
Gorbeialdeko Kuadrillak parte-hartze teknikari bat kontratatzeko asmoa du, helburu hauekin: Gorbeialdeko Kuadrillak abia...
Gorbeialdeko Kuadrillako adineko pertsonen XXVI. Topaketa
Datorren ekainaren 27an, ostirala, Gorbeialdeko Kuadrillako adineko pertsonen XXVI. topaketa ospatuko da....
GORBEIALDEKO BERTSO-ABENTURA, apirilaren amaieran, Espejon
Urtero bezala, Pazko asteko oporraldian euskaraz jolastu eta bertsoez gozatzeko, inguruko natura eta kultura hobeto ezagu...