-
Hemen zaude:
Baserri arkitektura eta dorretxeak
Baserri arkitektura eta dorretxeak
Zuiaren antzean, Zigoitia ere leinu garrantzitsuen sorleku izana dugu eta horren erakusgarri dira bertan diren interes artistiko eta historiko eta edertasun handiko jauregi txiki eta dorretxeak. Manurgako herria da, ezbairik gabe, lurraldean interesik gehien duen herrietako bat, batik bat, bere oinetxeek heraldika arloan duten aberastasunagatik. Iraganean lau dorretxe izateraino iritsi zan, baina desagertuz joan dira eta egun jausitako horma batzuk baino ez dira geratzen. Hauxe da, hain zuzen ere, Elexaldeko Jauregi edo Dorreari gertatu zitzaiona. Hesi batzuk baino ez dira geratzen zutik eliza ondoan. Iturrizartarren ezkutua ere herriko garbilekuko horma batean dago inkrustaturik.
Baina oraindik zutik dirauten eraikinetatik aipagarriena Hurtado de Mendozatarren dorretxea dugu eta XV-XVI. mendetakoa izateaz gainera, esan behar da Gorteetan goi-kargu izandako pertsonaia ospetsuen sorleku izan zela.
Beste izugarrizko etxetzar bat Berasteguitarren jauregia dugu. Jauregi eder hau mende bukaerakoa dugu. Bertan jaio zen Prudencio Maria de Berastegui, XIX. mendearen hasierako Arabako diputatu nagusia.
Herriko gainerako lekuetan ere zenbait oinetxe dira (XVII-XVIII), eta guztiek dute harrian landuta familia sortzailearen ezkutu edo armarria.
Zigoitiako gainerako lekuetan ere, aipagarrienak Goikoetxea eta Gopegiko Goikoleatarren dorretxeak dira, Zaratetarren eta Egiluztarren armarriekin.
Lan-deialdia: herritarren parte-hartzerako teknikaria
Gorbeialdeko Kuadrillak parte-hartze teknikari bat kontratatzeko asmoa du, helburu hauekin: Gorbeialdeko Kuadrillak abia...
Gorbeialdeko Kuadrillako adineko pertsonen XXVI. Topaketa
Datorren ekainaren 27an, ostirala, Gorbeialdeko Kuadrillako adineko pertsonen XXVI. topaketa ospatuko da....
GORBEIALDEKO BERTSO-ABENTURA, apirilaren amaieran, Espejon
Urtero bezala, Pazko asteko oporraldian euskaraz jolastu eta bertsoez gozatzeko, inguruko natura eta kultura hobeto ezagu...