Gorbeialdeko kuadrilla

HAU EZ DA JOLASA ikastaroa, begiraleentzat: nola sozializatu euskararen erabilera udalekuetan?

Arabako Foru Aldundiak, Gasteizko GEU elkarteko kideekin elkarlanean, HAU EZ DA JOLASA ikastaroa antolatu du, lurralde historiko osoan zehar, udan, egiten diren udalekuetan, begiraleei, euskararen sozializaziorako tresnak emateko. Gorbeialdean ikastaroaren bi saio egingo dira.

Hezitzaileek, aisialdiko profesional bezala, duten helburuetako bat haurrek eta gazteek ondo pasatzen duten bitartean balore batzuk eman eta barneratzen laguntzea da: errespetua, bizikidetza arauak, hezkidetza, kulturartekotasuna, bizimodu osasuntsua… Eta euskarak zein protagonismo izan behar du zerrendatutako baloreen artean?

Euskara zutabe eta oinarri izan daiteke, transbertsala, eta lehen aipatutako baloreen artean transmisiorako eta kohesiorako tresna ezin hobea. Eta, hizkuntzaren arnasgune diren udalekuak aukera aparta izan daitezke erronka hau lantzeko.

IKASTAROAK 3 orduko iraupena du, eta Gorbeialdeko Kuadrillan bi saio egingo dira:

Ekainak 20, asteartea

17:00-20:00, Izarran (kultur etxean)

Ekainak 24, larunbata

16:00-19:00, Aramaion (kultur etxean)

Izena emateko, bidali mezu bat ekainaren 16a baino lehen euskara@gorbeialdea.eus helbidera. Ikastarora datozenek ziurtagiri bat jasoko dute.