Gorbeialdeko GURASOLAGUNEN proposamena: hilero, mendi-buelta

Gorbeialdeko GURASOLAGUNEN proposamena: hilero, mendi-buelta

Joan den irailetik hona, Gorbeialdeko Mintzalagunaren barruan, martxan dago GURASOLAGUN programa. Kudrillako udalerri bakoitzaren arabera dinamika ezberdina duen arren, oinarri-oinarrian helburua berbera da: familiak (guraso eta ume) elkartu, eta euskaraz lasai eta eroso aritzeko espazioak sortu, gustuko jarduerak eginez, edo besterik gabe elkarrekin egonez.

Une honetan, Kuadrilla osoko 13 familia inguru ari dira egitasmo honetan parte hartzen. Hala ere, inork parte hartzeko interesa badu, horretarako aukera du, noski; ikasturtea bukatu arte zabalik baitago izen-ematea. Egin behar duen bakarra da egitasmoaren koordinatzailearekin harremanetan jartzea da:

mintzalaguna@gorbeialdea.org / 662120209

Eskatzen den bakarra, euskara ulertzeko gai izatea da. Beraz, animatu, aukera ederra da eta.

Hileroko proposamena

Udalerri bakoitzean gurasolagun taldeek egiten dutenaren osagarri, talde guztiak biltzeko hitzorduak antolatzen hasi dira orain egitasmoaren arduradunak. Proposamena honakoa da: hilabete bakoitzeko hirugarren igandean, Kuadrillako udalerri ezberdinetan txandaka, familia osoak egiteko moduko mendi-irteerak egitea. Lehenengoa joan den abenduaren 12an egin zuten, Zigoitian. Letonatik San Bittorrera egin zuten txangoa (argazkia lekuko).

Hurrengo hitzordua urtarrilaren 23an izango da, oraingo honetan Urkabustaizen. Goizeko 11:00etan Izarrako frontoiaren ondoko parkinean elkartu, eta Beluntzako ur-jauzietara egingo dute ibilaldia.

Beraz, familian euskaraz egunpasa eder bat egin, eta bide batez Kuadrillako bazterrak ezagutzea nahi duenak, hementxe du aukera.

Agenda

Albisteak

Fundacion Vital