GAZTE SORTZAILEAK egitasmoaren bi emanaldi, Gorbeialdean

GAZTE SORTZAILEAK egitasmoaren bi emanaldi, Gorbeialdean

Gasteizko Udalak urtero antolatzen duen beka-deialdia da Gazte Sortzaileak, honako helburuekin: 

  • Gazteen artean euskarazko sorkuntza bultzatzea.
  • Gasteizko euskarazko kultura programazioan, besteak beste, eragitea, gazteek gazteentzat sortutako jardueren bidez.
  • Gazteek beren sormena garatzeko aukera-guneak izatea.

Arabako Foru Aldundiaren bidez, Gorbeialdean 2023an beka jaso zuten bi proiektu ezagutzeko aukera izango dugu datozen asteetan Gorbeialdean. Hona hemen:

Urtarrilaren 17a, ostirala. 19:00etan Zigoitiko kultur etxean

GURE KUTXA antzezlana, Marta Berganzo, Askoa Uriarte eta Ainhoa Ordoñezen eskutik. Sinopsia: Maider eta Nerea Gasteizko bikote bat da. Etxe-aldaketa egiten ari dira eta egongela kutxaz beteta dago. Bikoteak etxera iritsi den pakete arrunt bat irekitzen du. Txundituta daude. Ez zuten espero kutxa barruan dagoena. Nerea harrituta dago, baina bere harridura ezkutatzen dio Maiderri, eta berea dela esaten dio. Aitzakia bat bestearen atzetik asmatzen dute haiena dela ulertarazteko.

Urtarrilaren 31, ostirala. 19:00etan Zuian, udaletxeko areto nagusian

ENBOR BEREKO EZPALA emanaldia, Nefer Olaizolaren eskutik. Sinopsia: 

Enbor beretik jaio diren animaliak, loreak eta hitzak. Amonak josten dituen bizitzaren hariak. Bildotsaren hotza. Amaren beroa. Zilbor orbaina eta goroldio berdea. Hauexek dira emakumearen sortzeko gaitasuna eta naturaren sortzeko gaitasuna uztartu nahi dituen obra hibridoan zehar mugitzen diren elementuak. Literatura, arte sonoroa eta bideoartearen bidez esperientzia murgiltzaile bat eratuz.

KONPROMISOTIK

Agenda

Albisteak

Fundacion Vital