Gorbeialdeko kuadrilla

Apirilak 26, Ikusgarritasun Lesbikoaren Eguna

LEHENDAKARITZAREN EBAZPENA

Gorbeialdeko Kuadrillaren egoitzan, Murgian, 2020ko apirilaren 23an 12:30ak izanda, AGUSTÍN OTSOA ERIBEKO LANDA, lehendakariak, Juan Mª Ezkurdia Salazar gerente-letraduaren laguntzarekin, honako ebazpena hartu zuen

APIRILAREN 26a – IKUSGARRITASUN LESBIKOAREN EGUNA

Apirilaren 26an, ikusgarritasun lesbikoaren egunean, zaila izango da ikusgarritasun hori aldarrikatzea etxean dagoen konfinamendutik. Ezin izango gara kalera irten, baina beste behin ere esango dugu lesbianak badaudela eta harro egoteko arrazoi asko dituztela eta, besteak beste, sareak erabiliko ditugu ahotsa altxatzeko.

Oraindik ere, lesbianak ikusezinak dira gure jendarteko hainbat esparrutan; esaterako: eskolan, familian, lanean, kalean… Eta zer esanik ez lesbiana nagusiak, migratuak edo asilo-eskatzaileak direnean.

Ikusezintasuna beste indarkeria mota bat da, emakumeei sexualitate aske eta autonomoa ukatzen jarraitzen duen gizarte patriarkal batean. Hainbeste emakume lesbianaren existentziarik eza edo ikusezintasuna gaitzestea da sistema heteronormatibo hegemonikoa baliatzen duen mekanismoa, gizartean sexu- eta genero-aniztasuna ukatzen jarraitzeko.

Gizarte osoaren erantzukizuna dela diskriminazio eta indarkeria mota guztien aurka borrokatzea. Lesbianen ikusgaitasuna sustatzen duten politika publikoak beharrezkoak dira, eta, batez ere, maskulinoa den LGTBI+ irudimenetik haratago doazenak.

Egun honetan, lesbiana horiek guztiak aldarrikatu nahi ditugu, ikusarazten direnak eta ez direnak, eta dei egin nahi diegu pertsona, elkarte, kolektibo, erakunde eta organismo guztiei, jendarte osoari, lanean jarrai dezaten. Gure helburua emakume lesbianek euren ikusgaitasuna

Aurrekoa ikusita, idazki honen bidez ERABAKI DUT:

LEHENENGOA: Aurkeztutako testuarekin bat etorriz Ikusgarritasun Lesbikoaren Egunaren adierazpen instituzionala onartzea.

BIGARRENA: Adierazpena jendaurrean, webgunean, iragarki-taulan eta Kuadrillaren bulegoetan ikusgai jartzea.

HIRUGARRENA: Ebazpen hau Gorbeialdeko Kuadrillaren Batzarrean aurkeztea egiten duen hurrengo bileran.

Erabaki hau osorik irakurrita, Gorbeialdeko Kuadrillako lehendakariak onartu egin du eta, nik, gerente-letraduak, hala dela ziurtatzen dut.

Murgian, 2019ko apirilaren 23an.