TAILERRA: SORTU ZURE POLTSA BIRZIKLATUTAKO BAKEROEKIN

TAILERRA: SORTU ZURE POLTSA BIRZIKLATUTAKO BAKEROEKIN

Arabako Foru Aldundiak lurraldeko kuadrilletan, ehungaien birziklapena eta berrerabilpena sustatzeko tailerrak jarri ditu martxan.

Koopera-rekin lankidetzan garatutako ekimen honek ehungintzako konponketa, eraldaketa eta berrerabilpen jarduera praktikoak proposatzen ditu, kontsumo-ohitura jasangarriagoak sustatzeko.

Gorbeialdearen kasuan, tailerra Urkabustaizen egingo da.

Lekua: Izarrako Berrerabilgunea

Data: Ekainaren 24a, asteazkena

Ordutegia: 17:00-19:00


“Upcycling jeans” tailerrean, erabiltzen ez diren galtza bakeroak poltsa bakar eta jasangarri batean bihurtzeko aukera izango duzu, josteko makinak erabiliz.

Aurrez izena ematea beharrezkoa da, hemen edo Koopera-ren webgunearen bidez egin daiteke, ekimen honetarako prestatutako gunean (Kollective).

Erabiltzen ez dituzun galtza bakeroak ez badituzu, ez arduratu: tailerrean bakeroak jarriko dira parte-hartzaileen eskura.

Ehun-hondakinen sorrera etengabe areagotzen ari den testuinguruan, funtsezkoa da horrelako ekimenak sustatzea. Araban, urtean pertsonako 16 kilo ehun-hondakin inguru sortzen dira, guztira 5.300 tona baino gehiago.

Arropa berrerabiltzeak hondakinak murrizten laguntzen du eta baliabide naturalen kontsumoa gutxitzen du.

Animatu eta parte hartu!

Agenda

Albisteak

Fundacion Vital