-
Hemen zaude:
Badator Gorbeialdeko BERTSO BARNETEGIA
Badator Gorbeialdeko BERTSO BARNETEGIA
Gorbeialdeko Kuadrillak eta Arabako Bertsozale Elkarteak elkarlanean urtero antolatzen duten BERTSO BARNETEGIAK Bizkaira egingo du bisita aurten. Diman izango da, bertako Lapurriketa etxean, pazko astean; apirilaren 18an, 19an eta 20an, hain zuzen ere.
Gorbeialdeko Lehen Hezkuntzako 3., 4., 5. eta 6. mailako umeek har dezakete bertan parte. Bertsoaren bidez aisialdian kultur ekintzekin gozatuko dute, euskal kultura modu sortzaile eta aktibo batean ezagutu, hizkuntzaren erregistro informala landu, beste herrietako lagun berriak egin… Opor garaian ederki pasatzeko aukera zoragarria, beraz.
Martxoaren 24ra arte eman dezake izena, hala nahi duenak. Gorbeialdeko Kuadrillaren bulegoetan, eta Kuadrillako udaletan du horretarako aukera. E-postaz ere egin dezake, izen emate orria bete, eskaneatu, eta euskara@gorbeialdea.eus helbidera bidalita. Esku orria, beheraxeago klik eginda deskarga dezakezu.
Abenturarako aitzakia ederra da bertsoa. Anima zaitezte!!
Onartutako eta baztertutako izangaien behin betiko zerrenda, iraupen luzeko aldi baterako enplegua egonkortzeko salbuespenezko deialdiaren prozesukoa: A1 eta A2 TALDEAK
Bigarren Ingurumen Buletina argitaratu da!
Lehen buletinak oso harrera positiboa izan ondoren, Gorbeialdeko Kuadrillako bigarren ingurumen buletina argitaratu dugu....
GORBEIALDEKO BERTSO-ABENTURA, apirilaren 4tik 6ra Espejon
Gorbeialdeko 2010 eta 2013 urteen artean jaiotako gaztetxoek oporraldian euskaraz jolastu eta bertsoez gozatzeko, inguru...